港股 watchlist trigger 止賺 (Patreon)

港股繼續回，美國國債星期二同三晚拍賣情況唔理想，令到國債yield高咗差唔多20個點子，而人仔又陰啲陰啲咁跌，加上港元又係偏弱，所以市場氣氛都唔係好理想。星期五收市就係MSCI換馬，之後夜晚美國公佈PCE。

科技股之前受到京東(9618)阿里巴巴(9988)發行可換股債券影響（convertible bond CB）令到市場擔心會其他科技公司都會跟住，所以先跌為敬。而聯想(992)啱啱都發行咗20億美元嘅CB，雖然佢就發俾沙地主權基金。 其實主要原因就係成本太平，而對沖基金計過條數，發覺對沖完啲CB之後，剩低嘅call option嘅引申波幅比現價10-15%，所以反應非常踴躍。所以嚟緊真係唔排除陸陸續續有啲其他科技公司跟住發CB。不過騰訊(700)就話自己現金流強勁，唔會發CB。雖然大股東Naspers又轉咗手貨入中央結算，不過都唔係咩新聞，佢一邊沽公司一邊回賺。最新隻DnF手遊表現唔錯，第一個禮拜係中國上線已經碌咗超過10億人仔流水，仲要淨係計Apple App Store。

其他比較有啲睇頭就係電力股 ，一嚟同美國嗰邊一樣，炒AI電力需求。第二就係炒電價改革，者即係加價。 其次就係芯片，因為三星罷工，有機會令到啲中低端芯片會流去中國。不過主要都係啱啱成立嘅國家集成電路產業投資基金三期，註冊資本3440億，繼續投資芯片板塊。另一方，今個星期個市對啲正面或者好消息都冇乜反應，似乎又去返之前嗰個狀態咁。

今個禮拜啲flow買貨少咗，反而輪着沽貨，以科技股消費股為主。星期五就係MSCI換馬加上月結，聽講話今次MSC換馬會忙好多，因為個size比之前大。如果美國喺星期五晚嘅通脹數據出嚟OK嘅話，可能六月頭港股會有啲反彈。

Market

係一個短timeframe（有四月開始個rally），而家恆指retest五月初嘅低位。如果收低過18200就做唔成係higher low。Violate咗呢個短期uptrend。

但係長啲嘅time frame：由一月開始嘅升勢。上一個低位係三月嘅16,200，同而家嘅18,000點仲有大把距離。即係恆指就算再跌多一千點（好似橙色線咁），佢仲係做緊higher lows仲係uptrend。

Watchlist Review

1186, 1810, 358 就好似上個禮拜所講。之前一部份到咗我嘅目標就sell-into-strength take profit然後留返啲放紙鷂。而家股價走勢偏弱跌穿了近排嘅低位我就會sell-into-weakness止賺離場

19, 6969, 6683 一道升我一道會提高止賺。變咗出現大過正常嘅拉會時，我可以賺住咁走。19琴日嘅跌低過五月低位。喺呢個情況我會考慮take profit。

9926 公司出壞消息令股價大跌，好彩未突破冇交易到。可以 remove from watchlist

如果有follow開我Patreon嘅話，大家知道我好相信nuclear power嘅重要性。同埋係我medium term一個重注啲嘅投資。1816, 1164 已經一排冇提。估唔到香港嘅係nuclear概念股喺依半年升咗咁多。但係要食盡就唔容易，因為中途三月嗰時曾經調整得比較深。要用比較鬆動嘅stop profit先可以捱得過或者四月去再創新高追返入嚟先至而家會持有

Watchlist

經過呢個月港股大升跟住調整，大部份之前持有嘅倉位已經take profit (sold-into-strength & sold-into weakness)。而家持有港股exposure唔多。要等再有好嘅set up，好嘅交易機會先會再入場。

981 (芯片) 股票未進入Stage two同平時嘅突破swing trade唔同。今次係炒reversal博佢反彈。故事喺度，風險同回報亦唔錯所以我會考慮。同行嘅1347已經郁咗

902 (電力) 比如其他電力公司落後(2380, 1071)。嚟緊就睇佢可唔可以升穿呢個悶局

免責聲明: 所有內容僅為本頻道對其本身行為的描述，只作知識及學術分享討論，絕不含有及不應被理解作含有任何投資建議或邀約或對任何其他人士的投資建議或邀約或提供任何服務。本頻道的內容概不構成任何投資意見或購買任何證券、期貨、虛擬資產及或任何金融產品的推薦意見。本頻道的內容亦並非就任何個別投資者的特定投資目標、財務狀況及個別需要而編製。因此，投資者不應只按任何本頻道的內容或本頻道作者所提供的任何資料（包括以其他途徑提供的與頻道相關的回覆或評論）進行投資。本頻道建議任何投資者在作出任何投資決定前尋求獨立的財務及專業意見，而本頻道並不會提供有關意見。本頻道所載資料僅供參考之用，概不保證頻道內全部或其任何部分的資料在各方面均絕對正確或展示事實的全部。投資者有責任自行翻查所有資訊及數據的完整性及準確性。如有疑問，閣下應自行查核頻道所載的任何資料。 本評論上的資料，如有任何變更，恕不另行通知。對於因使用或依據本頻道內所載的資料而引起的任何損失或損害，本頻道恕不負責。投資者應當注意投資附帶風險及過往表現不能保證將來業績，過往表現不能作為日後表現之指示。