港股 - Aug 22, 2024 (Patreon)

港股今個禮拜主要都係業績，科技股大部份都OK嘅，但係消費股就比較差。

京東9618業績唔錯，不過之後Walmart清倉，但係都見到好多長錢走入去買。其實咁樣有冇啲似巴巴9988，大股東走晒貨（早幾年嘅騰訊700同埋啱啱嘅Walmart)，會唔會嚟緊都有機會轉做香港雙重第一上市，之後又入北水。

從價格走勢分析，咁樣出現大消息之後低開但係跟住慢慢升返上嚟高收。這是一個強的走勢（不是指有交易機會，只係分享一啲交易知識）

阿里巴巴9988業績就一般，但係市場繼續炒入北水。巴巴9988今晚就開股東大會投票，如無意外應該就冇問題。所以而家係睇幾時入到北水，有機會正式轉左雙重第一上市之後就可以入，又或者係9月9號恆指換馬生效之日。不過要留意爸爸入咗北水之後，應該會分薄騰訊700同美團3690嘅比重。

最近幾個星期9988走勢比港股強。八月初市場大跌之後已經完全反彈返。50天線兩個月前Crossover了200天線。走勢開始轉好。暫時未有tradable setup，不過可以留意住 

小米1810業績好，尤其是做車嘅毛利率非常之可觀，有成15%，比起管理層之前講嘅5-10%好好多。今年話埋120,000部，明年有機會去到180,000，之後就要睇佢出海點搞啦。業績出完之後都係見到全世界人一齊追貨，見到咁嘅成交。

其他例如友邦1299，瑞聲2018，舜宇2382，泡泡馬特9992都唔錯。而快手1024 石藥1093藥明2269就唔得。 快手電商GMV比預期差，藥明真係比美國佬玩死咗。睇返泡泡馬特，上半年賺十億，而舜宇光學做到隻狗咁都係賺10億。呢幾日最熱嘅話題就係隻新game 「黑神話：悟空」 ，係由騰訊前員工成立嘅公司開發，睇嚟搞遊戲前景仲係唔錯，又可以出海，回本又快。好似呢隻遊戲，隨時仲會帶挈國內嘅景點，宣揚祖國嘅文化！

呢轉啲日円carry trade平完倉之後，啲人即刻調轉頭走去做沽美元嘅carry trade，而弱美元都有令到啲資金流返去新興市場，所以都見到個市成交好返啲。

Watchlist Review

嚟緊有業績報告，所以如果倉位嘅股票profit cushion唔係大嘅話就會出業績之前離場，例如525 (ER 8/28) 同1766 (ER 8/23)。

6823 今個星期突破了，跟住一口氣都升咗唔少。如果想保護資本嘅話，我會將個指stop loss高啲去到突破之前嗰幾日嘅低位（大概$9.5)

Watchlist

1 唔錯嘅VCP。最近一個月嘅波動明顯比起今年少。

免責聲明: 所有內容僅為本頻道對其本身行為的描述，只作知識及學術分享討論，絕不含有及不應被理解作含有任何投資建議或邀約或對任何其他人士的投資建議或邀約或提供任何服務。本頻道的內容概不構成任何投資意見或購買任何證券、期貨、虛擬資產及或任何金融產品的推薦意見。本頻道的內容亦並非就任何個別投資者的特定投資目標、財務狀況及個別需要而編製。因此，投資者不應只按任何本頻道的內容或本頻道作者所提供的任何資料（包括以其他途徑提供的與頻道相關的回覆或評論）進行投資。本頻道建議任何投資者在作出任何投資決定前尋求獨立的財務及專業意見，而本頻道並不會提供有關意見。本頻道所載資料僅供參考之用，概不保證頻道內全部或其任何部分的資料在各方面均絕對正確或展示事實的全部。投資者有責任自行翻查所有資訊及數據的完整性及準確性。如有疑問，閣下應自行查核頻道所載的任何資料。 本評論上的資料，如有任何變更，恕不另行通知。對於因使用或依據本頻道內所載的資料而引起的任何損失或損害，本頻道恕不負責。投資者應當注意投資附帶風險及過往表現不能保證將來業績，過往表現不能作為日後表現之指示。