港股 - Aug 29, 2024 (Patreon)

雖然星期四有些少跌穿八月以來嘅上升軌，不過最後都係低開高收，叫做守得住。可能嚟九月頭有機會test ~18,400點。 

星期一因為拼多多(PDD)呢個業績嚇死晒啲人。始終呢隻都係所剩唔多嘅增長股。業績雖然有些少比預期低，但係佢嘅展望話緊俾人聽嚟緊幾年唔會有增長。 所以呢隻有一隻增長股變成一隻阿里巴巴(9988)。反而阿里巴巴(9988)而家都有返些少故仔，雖然喺28號搞掂咗雙重單一上市之後有啲回吐，但係嚟緊最快9月9號就有機會入北水，如果九月份呢轉入唔到，咁就可能要等到12月。 就係因為拼多多呢單嘢，搞到啲人喺美團(3690)業績前有啲驚，但係點知出嚟比預期好再加10億美金回購，結果就高開高走。

呢個禮拜大家都係等Nvidia業績，佢業績超預期就係市場共識，但係就冇之前超得咁犀利。但係如果呢個AI板塊有啲回吐少少，加上呢期嘅弱美元，整體都係會對新興市場有利。 

星期四，見到比較多嘅冚倉又或者長錢喺消費板塊買貨，例如蒙牛(2319)安踏(2020)華潤啤酒(291)海底撈(6862)等等，似乎呢個板塊嚟緊有機會炒反彈，加上嚟緊10月國慶長假期。其他嘅仲有啲澳門股，雖然澳門行政長官候選人岑浩輝話澳門旅遊博彩業發展過程中曾經失序「野蠻擴張」不利澳門長遠發展。不過隨着美資大基金沽銀河(27)沽到7788，或者有轉機。

內銀係交銀(3328)同埋中信銀行(998)出咗業績之後，俾人估到爆。亦見到其他防守收息股，例如公路都跌得幾犀利。睇嚟中國高息國企股已經炒完（香港嘅就唔同)

今個禮拜嘅flows都係圍繞着弱美元同越嚟越低嘅10年債息。多咗對沖基金買資源股，亦都有啲房地產基金入返嚟港股買嘢，其實呢排隻恆基(12)領展(823)港鐵(66)等緊都表現得唔錯。有啲長錢都係留意緊啲喺香港上市但係受惠於新興市場貨幣嘅股票，例如隻第一太平（142）。(最近呢一轉強啲嘅係香港概念股票)

Watchlist Review

525, 1766, 1288 都係業績前走佬

6823 突破咗bull flag set up之後，price action唔錯，而家升到目標嘅一半，可將個stop loss調高

1 今個星期突破咗，跟住市跌佢嘅表現都唔錯，有relative strength

Watchlist

2208 price action 方面仲係好好，升嗰時啲成交高。今次個突破無做交易因為係啱啱出業績，嚟緊就睇有冇機會pullback然後做reversal嗰時先至入啦

免責聲明: 所有內容僅為本頻道對其本身行為的描述，只作知識及學術分享討論，絕不含有及不應被理解作含有任何投資建議或邀約或對任何其他人士的投資建議或邀約或提供任何服務。本頻道的內容概不構成任何投資意見或購買任何證券、期貨、虛擬資產及或任何金融產品的推薦意見。本頻道的內容亦並非就任何個別投資者的特定投資目標、財務狀況及個別需要而編製。因此，投資者不應只按任何本頻道的內容或本頻道作者所提供的任何資料（包括以其他途徑提供的與頻道相關的回覆或評論）進行投資。本頻道建議任何投資者在作出任何投資決定前尋求獨立的財務及專業意見，而本頻道並不會提供有關意見。本頻道所載資料僅供參考之用，概不保證頻道內全部或其任何部分的資料在各方面均絕對正確或展示事實的全部。投資者有責任自行翻查所有資訊及數據的完整性及準確性。如有疑問，閣下應自行查核頻道所載的任何資料。 本評論上的資料，如有任何變更，恕不另行通知。對於因使用或依據本頻道內所載的資料而引起的任何損失或損害，本頻道恕不負責。投資者應當注意投資附帶風險及過往表現不能保證將來業績，過往表現不能作為日後表現之指示。