香港打風 update - Sept 6, 2024 (Patreon)

今個禮拜大家坐定定等星期五飛龍數據，但係之前呢幾日啲風險資產全部受壓，債息跌，日元升，美匯又落返去101。今次如果美國經濟開始回落，咁中國又何去何從呢？外貿出口開始唔得，內需又攪唔起。

呢幾日繼續有存量按揭嘅消息，最新嘅就話中國正在考慮分兩步降低存量住房貸款利率，共計下調80個基點左右，在減輕居民家庭負擔，同刺激消費，但係咁樣一定會影響到銀行嘅利潤，所以內房嘅高息同埋防守性嘅邏輯可能已經有所改變。之後幾日又有上海/浙江出台新政策去谷消費，對個人消費者購買符合要求的沙發、床墊、櫥櫃等家電、家裝、家居產品，按銷售價格的15%予以補貼，每次補貼不超過2000元。不過呢個又係炒咗一日貨仔左右。

阿里巴巴(9988)，先有官媒阿里呢三年嘅整改工作取得良好成效。之後又話淘寶平台擬全面引入微信支付，今次阿里真係交足功課。最後恆指公司係4號收市後就出公告話將港股通一系列指數新增快速納入規則，若有在港第二上市的證券，轉換為香港主要或雙重主要上市，並符合南向通交易資格，會將相關證券快速納入檢討，在符合互聯互通資格首日，只要相關證券收市總市值，在現有成分股中排前10位，將於下次常規月度調整中被納入港股通。咁樣即係代表阿里九成機會係下星期一會入北水。不過出完呢單新聞之後，開始見到對沖基金出貨，同時開始沽空sell on news。

另一個板塊就係券商，呢單嘢傳咗幾個月，就係國泰君安(2611)與海通證券(6837)將合併，計畫以換股方式吸收合併海通證券。 嚟緊可能見到個板塊都會有啲炒作，不過好大機會都係一日起定兩日止。加上上證最近日日喺度陰跌，仲要跌穿2800點，真係冇眼好睇。做咗咁多嘢，又唔比沽空，又窗口指導唔比基金淨賣出，又停止公布北向實時數據，又有國家隊掃貨買ETFs都冇用。

呢期啲中特估都好衰吓，內銀就先係有調整按揭利率同埋可以轉按，三桶油同資源股就擔心美國經濟放緩，令到資源價格下跌。基建股出完業績之後，就成班一齊落，盈利增速就一般，但係見到其中幾間嘅現金流都突然轉差，同埋有傳呢個板塊又搞啲反腐同埋審計調查。

呢排就多返啲買盤係香港地產股，都係炒減息。買盤都係去啲恆基12領展823太地1972，呢兩日啲對沖基金又開始沽空啲消費股。 巴巴9988就食緊糊，同埋開始反手沽空。其他有沽啲資源股，買返非銀行金融股(e.g. 保險)。

Watchlist Review

長實 1 : 突破之後走勢有好有壞。好嘅: 1) 比起恆指強(有relative strenght)。2) BO後升嘅成交好過跌嘅。3) 今次pullback跌到落突破嘅阻力(而家嘅支持) 就反彈。

壞嘅:有三支長影子嘅燭。代表隻股票喺嗰三日曾經升但係跟住跌返落嚟。收市嗰時同day high個位爭一段距離(弱嘅訊號)。整體嚟講好嘅是多個衰嘅

  香港電訊 6823: 走勢繼續OK。會將stop 調高。

Watchlist

中國人民財產保險 2328: 保險係而家少有剩返走勢仲係比較強嘅國企。1339已經突破咗。

大唐集團新能源 1798: 需要多少少時間，但係走勢開始縮緊。呢隻係early stage two嘅股票。

阿里巴巴 9988:

周線圖: 跌咗三年同埋七成之後，好似開始唔再跌。

日線圖: 跟住就要留意住係咪真係離開stage one進入stage two。依啲大家已經放棄咗嘅股票，但係市值仲係好高又係一隻好強嘅中國科技同埋消費概念股。如果真係升返上嚟開車，唔少基金都會入返嚟追貨。所以要好好留意住。

免責聲明: 所有內容僅為本頻道對其本身行為的描述，只作知識及學術分享討論，絕不含有及不應被理解作含有任何投資建議或邀約或對任何其他人士的投資建議或邀約或提供任何服務。本頻道的內容概不構成任何投資意見或購買任何證券、期貨、虛擬資產及或任何金融產品的推薦意見。本頻道的內容亦並非就任何個別投資者的特定投資目標、財務狀況及個別需要而編製。因此，投資者不應只按任何本頻道的內容或本頻道作者所提供的任何資料（包括以其他途徑提供的與頻道相關的回覆或評論）進行投資。本頻道建議任何投資者在作出任何投資決定前尋求獨立的財務及專業意見，而本頻道並不會提供有關意見。本頻道所載資料僅供參考之用，概不保證頻道內全部或其任何部分的資料在各方面均絕對正確或展示事實的全部。投資者有責任自行翻查所有資訊及數據的完整性及準確性。如有疑問，閣下應自行查核頻道所載的任何資料。 本評論上的資料，如有任何變更，恕不另行通知。對於因使用或依據本頻道內所載的資料而引起的任何損失或損害，本頻道恕不負責。投資者應當注意投資附帶風險及過往表現不能保證將來業績，過往表現不能作為日後表現之指示。