港股 Update - Sept 12, 2024 (Patreon)

A股就繼續一路向南，滬深300收市跌到去差不多5年幾低位，上證都挨住2700點。國家隊就時買時唔買，好難捉摸。不過A股都開始oversold，RSI落到30以下，而家跌到落年初嘅低位（支持)，又差唔多demark 13訊號。似乎有條件反彈。

星期四接近收市時候，有消息話中國最早可能在9月份降低存量住房貸款的利率，部分住房貸款可能立即下調多達50個基點 （之前消息就係話會分兩次減80基點），不過都係算舊消息，大致上都priced in咗。

之後啲高息國企係咁隊，基本上都係北水出貨。之前都有提過，有啲國企北水由年頭十幾%買都未到卅幾%，所以一unwind又係人踩人。不過如果計返息率，移動跌穿70仲有7厘息以上，都叫進可攻退可守。 

國務發布《關於加強監管防範風險推動保險業高質量發展的若干意見》，對中國保險業未來５到１０年的改革發展作出了系統謀劃和安排，其中有講到支持合格境外機構投資入股境內保險機構。另外就係大力發展商業保險年金，滿足人民群眾多樣化養老保障和跨期財務規劃需求，尤其是而家中國人口老化，都會對內險有利。

最曳嘅就係消費板塊。茅台(600519) 都跌穿咗位，都係因為中秋假期前夕白酒嘅銷情唔係咁好，普遍銷售同比下降兩三成。而另一方面，旅遊市場都唔係好，多方平台顯示，今年中秋節機票、酒店價格堪比淡季，相比去年中秋節同期也有大幅下滑。中秋節酒店預訂前100的目的地中，有三成與淡季價格持平，中秋假期境內機票單程含稅均價約為770元，相比去年中秋及國慶前3日，價格下降了約25%。成個消費板塊，尤其是係食品，都係對沖基金嘅主要沽空對象。

最後，早兩日Trump同Harris嘅辯論，Harris佔咗上風，而民調亦都顯示Donald Trump嘅領先優勢都冇晒。市場都有機會開始price Harris會贏，而家睇落去係會有利中港股市，首先冇咗Donald Trump嘅中國tarriff，加上Harris係完全冇外交經驗，所以對外方面佢一定不如Biden玩咗幾十年政治嘅老狐狸，都同樣對中國可能有利。下星期一二A股放中秋節假期，星期三香港放假，同時都係美國聯儲局議息，基本上已經預咗係-25點子，星期四就係BOJ議息，星期五就係美國期指結算，所以下星期都會有機會多番啲波動。

 Watchlist Review

巴巴(9988)一如預期入港股通，入咗之後都唔似散水。依個set up嘅回報對風險比率唔係最好只係得1.2

 長實 1 : 由於之前突破之後佢升咗唔少，都去到我嘅目標超過一半，所以已經將stop 調去到買入點，而今個星期佢咁樣pull back就trigger個stop變成平手離場

 大唐新能源股 1798: setup violated. 暫時唔使睇

中國人民財產保險股 2328: 幾日前升穿咗我留意嘅阻力，當日嘅成交同埋走勢都唔錯，所以係一個突破。但係跟住股價就拉回，而最近兩日嘅成交跌嗰時都幾高下(唔好)。暫時都係照返原本計劃，如果跌穿指蝕嘅話就會離場

Watchlist

金風 2208: 暫時走勢仲OK。自從六月50MA crossover咗200MA之後，加埋入stage two佢就一浪一浪咁升。通常成功突破一個base就連升幾日。喺呢段時間可以郁十幾至20%，跟住就拉回再建立新嘅基礎

免責聲明: 所有內容僅為本頻道對其本身行為的描述，只作知識及學術分享討論，絕不含有及不應被理解作含有任何投資建議或邀約或對任何其他人士的投資建議或邀約或提供任何服務。本頻道的內容概不構成任何投資意見或購買任何證券、期貨、虛擬資產及或任何金融產品的推薦意見。本頻道的內容亦並非就任何個別投資者的特定投資目標、財務狀況及個別需要而編製。因此，投資者不應只按任何本頻道的內容或本頻道作者所提供的任何資料（包括以其他途徑提供的與頻道相關的回覆或評論）進行投資。本頻道建議任何投資者在作出任何投資決定前尋求獨立的財務及專業意見，而本頻道並不會提供有關意見。本頻道所載資料僅供參考之用，概不保證頻道內全部或其任何部分的資料在各方面均絕對正確或展示事實的全部。投資者有責任自行翻查所有資訊及數據的完整性及準確性。如有疑問，閣下應自行查核頻道所載的任何資料。 本評論上的資料，如有任何變更，恕不另行通知。對於因使用或依據本頻道內所載的資料而引起的任何損失或損害，本頻道恕不負責。投資者應當注意投資附帶風險及過往表現不能保證將來業績，過往表現不能作為日後表現之指示。