港股 update - Oct 24, 2024 (Patreon)

港股暫時都係上落市20,000-21,000。嚟緊呢兩個禮拜有機會開政治局會議，而人大最快就係今個星期開，又或者好似之前咁傳，等到美國大選之後先開。

今個禮拜嘅板塊，最犀利係汽車股，啲銷售因為大陸嘅買車補貼開始發揮作用，吉利(175)亦都係少數可以升穿高位嘅股票。另外都會留意返啲政策扶持嘅板塊，例如量子科技、核聚變、生物製造、6G等未來產業，晶片嘅好似中芯(981)，華虹(1347)，復旦(1385)都會留意，但係短期升得太多。另一個就係低空飛行，呢兩個禮拜見到啲政策都有多次提及，例如中國擬設立低空經濟專管司局，不過主要都係億航(EH)同小鵬(9868)，兩隻都係有波幅冇升幅。

Flow 嘅話，就見到中資比較活躍，長錢就買返啲貨，而國企錢就沽咗三四日。外資就比較靜。不過最搶眼就係小米(1810)，中資外資對沖基金都一齊追貨。而有外資買返啲偏門少少券商股。巴巴(9988)就係咁比人沽。亦都有對冲基金買啲晶片股。

Watchlist Review

6055 中煙國際: Take partial profit 賺 +1.2R，由於股票接近歷史高位所以會留返一部份放紙鷂

2018 瑞聲科技: 繼續跟計劃

2388 中銀香港: 星期二掂到紫線阻力時成交唔高，我覺得未算突破。會繼續留意住。

 728中國電信: 正如上個禮拜講 10月22號出業績之前平手走。而家就睇吓佢做唔做一個新嘅set up啦。

Watchlist

552 中國通信服務: 繼續留意

1810 小米: 比起大部份港股，小米嘅走勢強(有relative strength)。跟住睇佢可唔可以再破頂

 1378 中國宏橋集: 用咗四個月形成嘅cup & handle set up。而家喺handle phase

免責聲明: 所有內容僅為本頻道對其本身行為的描述，只作知識及學術分享討論，絕不含有及不應被理解作含有任何投資建議或邀約或對任何其他人士的投資建議或邀約或提供任何服務。本頻道的內容概不構成任何投資意見或購買任何證券、期貨、虛擬資產及或任何金融產品的推薦意見。本頻道的內容亦並非就任何個別投資者的特定投資目標、財務狀況及個別需要而編製。因此，投資者不應只按任何本頻道的內容或本頻道作者所提供的任何資料（包括以其他途徑提供的與頻道相關的回覆或評論）進行投資。本頻道建議任何投資者在作出任何投資決定前尋求獨立的財務及專業意見，而本頻道並不會提供有關意見。本頻道所載資料僅供參考之用，概不保證頻道內全部或其任何部分的資料在各方面均絕對正確或展示事實的全部。投資者有責任自行翻查所有資訊及數據的完整性及準確性。如有疑問，閣下應自行查核頻道所載的任何資料。 本評論上的資料，如有任何變更，恕不另行通知。對於因使用或依據本頻道內所載的資料而引起的任何損失或損害，本頻道恕不負責。投資者應當注意投資附帶風險及過往表現不能保證將來業績，過往表現不能作為日後表現之指示。