港股 Update - Dec 5, 2024 (Patreon)

港股都冇乜太多嘢好講，4-500點Range，應該都會玩到下個禮拜中央工作經濟會議前後。今個禮拜一開始，繼續有啲對沖基金平淡倉收爐。

嚟緊呢個中央經濟工作會議係為出年嘅經濟定目標，以前就唔會講太多細節出嚟，應該要去到出年三四月人大會夜先會出台細節。但係或者今年情況都有啲嚴峻，唔知星期四開完之後唔會發佈多啲細節出嚟。咁而家市場共識，出年個財政赤字應該就至少係3.5-4%，如果去到4%以上呢，個市應該會變得唔錯，如果去到4.5%或者以上，咁就非常好。 但係呢兩日見到幾篇央媒嘅報道，似乎都喺度暗示中央出年唔會大力財政刺激 (link)。

美團第三季業績唔錯，但係第四季指引就比市場預期差，星期四仲要穿底。其他科技股都見到支持位騰訊就400，百度/巴巴就80。Morgan Stanley 出報告，就話中港股市11月有75億美流出，相比10月份流入接近120億美元。

Watchlist Review

9926 康方生物之前因為有機會被加入恆指所以炒起。跟住結果出咗之後股價就跌返落嚟。最近幾日去跌嗰時成交明顯高過之前兩個月嘅平均成交。喺呢個情況連續幾日見大紅腸就符合提早離場嘅條件 (-0.6R)。而家watchlist上所有港股清晒

 Watchlist

1288 農業銀行雖然股價升穿咗我留意緊嘅阻力，但係升嗰時個成交十分少，所以我覺得佢未突破，冇做交易

 1810小米 - 而家香港藍籌股嚟講，小米嘅走勢應該係最強 (第二啲手機股表現都唔錯因為刺激消費政策，但市值細啲)。喺最近一個月做緊一個consolidation

288 萬洲國際 - 呢隻冇咁刺激，係一隻慢上慢落嘅股票。由年初進入stage two之後，一步一步咁樣升上去

免責聲明: 所有內容僅為本頻道對其本身行為的描述，只作知識及學術分享討論，絕不含有及不應被理解作含有任何投資建議或邀約或對任何其他人士的投資建議或邀約或提供任何服務。本頻道的內容概不構成任何投資意見或購買任何證券、期貨、虛擬資產及或任何金融產品的推薦意見。本頻道的內容亦並非就任何個別投資者的特定投資目標、財務狀況及個別需要而編製。因此，投資者不應只按任何本頻道的內容或本頻道作者所提供的任何資料（包括以其他途徑提供的與頻道相關的回覆或評論）進行投資。本頻道建議任何投資者在作出任何投資決定前尋求獨立的財務及專業意見，而本頻道並不會提供有關意見。本頻道所載資料僅供參考之用，概不保證頻道內全部或其任何部分的資料在各方面均絕對正確或展示事實的全部。投資者有責任自行翻查所有資訊及數據的完整性及準確性。如有疑問，閣下應自行查核頻道所載的任何資料。 本評論上的資料，如有任何變更，恕不另行通知。對於因使用或依據本頻道內所載的資料而引起的任何損失或損害，本頻道恕不負責。投資者應當注意投資附帶風險及過往表現不能保證將來業績，過往表現不能作為日後表現之指示。