港股 Update - May 20, 2022 (Patreon)

港股喺20000點嘅range 游嚟游去，美國破位，港股都算係咁，守到20,000點，不過A股真係比較強，唔係太受美股影響，滬深300又去返4,000點。星期五朝早出LPR (Loan Prime Rate)，市場預期會減5個點字，實質減15點字，多個市場預期。  所以禮拜五一開市就升2%。  

上海慢慢開始解封，希望會繼續有多啲政策支持。寫緊呢篇嘢嘅時候見到CNH strengthen，可能啲有啲預期已經改變緊。

京東第一季度符合預期，可惜個市況嫲嫲所以隻股票都係回返。而騰訊第一季業績唔掂，跌6.4%，市場真係睇唔到有咩趨化劑。政策面嘅改善都要喺一步一步嚟。劉鶴同科技公司加埋政協會議，真係冇太多內容，啲政策真係要慢慢去，好似騰訊咁講，起碼唔會失驚冇神整你一棍。

呢排同啲基金朋友傾，日日比人着捽數。大部份都係睇淡，個個躺平，全部買晒啲避險股票。中資基金就覺得要等到二十大前後先會更加明朗。不過見到有啲中資嘅對沖基金開始賣咁啲避險股票，可能覺得都係時候慢慢入返個市場。

早几日，同一個第一梯隊嘅美國長線基金朋友傾偈，佢哋啲中國科技股上年同今年都沽得7788 (very underweight)，就算嗰啲股票跌到零，對成個組合影響都唔大，不過佢哋唔係行China mandate，所以先可以咁做，如果係China mandate , 你一定要揸住咁上下ATMXJ。
呢啲外資基金唔會係第一個沽，又唔會係第一買，佢哋之前真係覺得中國uninvestable。但係只有係咁嘅情況之下，我哋先有機會係一個值搏率交高嘅價錢買貨，之後等啲長線基金睇定晒，就會慢慢追翻貨。

汽車啲新聞都出晒，需然中汽協闢謠汽車下鄉政策6月初有望出台，同埋路透社報道大陸去延長新能源汽車補貼。

歐盟公布名為「RepowerEU」的能源計畫為期五年、規模2,100 億歐元 ，希望藉由增加再生能源和液化天然氣 (LNG) 進口，減少對俄國油氣的依賴，並加速朝綠色能源轉型。到 2025 年把太陽能光電 (PV) 產能提高一倍，2030 年安裝容量提升 600GW。2030 年的再生能源目標從 40% 提升到 45%。