農曆新年市場反應 | 港股watchlist (Patreon)

今個禮拜開始啲基金繼續追貨，主要都係阿里巴巴(9988)同埋藥明(2269)，不過去到星期三四，市況就開始Chok，見到啲獲利盤出嚟，尤其係星期四晚就係美國CPI。

恆指連續兩日都係21,700之前俾人沽返落嚟，星期四都仲要有接近500點嘅波幅，下面支持為暫時都係21,100同20,800。雖然每日都有配股，但係好多時嗰啲股份收市價都係高過配股價之上，變相等如接咗平貨，因為有賺錢效應，啲基金都好願意去攞貨。所以配股抽水暫時問題都唔係好大。加上啲基金經理普遍都覺得今年係China Bull。

科技股就係星期三開始有少少轉弱，星期四就直接跑輸，亦都開始見到有人沽空京東(9618)。不過如果要買/追科技股嘅，我諗都係阿里(9988)比較好，始終佢受惠中央政策支持內需同埋兩年嚟嘅平台整改應該真係完啦。先有馬雲放棄螞蟻嘅控制權(，之後又有杭州市政府嘅祝福。跟著呢幾日見到10幾間行upgrade 阿里。

星期三四開始見到有啲股票最落後，尤其是金融/汽車/能源/商品。應該係啲錢sell momentum buy laggards。 暫時仲係睇好金融股，首先人仔繼續升值,去到6.75。

先講保險，有FMR （美國其中一個最大嘅基金，好多美國pension錢），佢喺星期三申報已經買到5%中國人壽（H股）嘅股票，令到成個板塊嗰日都大升。呢個動作都幾重要，突然之間有個傳統大嘅美國基金突然揸咗重貨，會比到其他投資者信心。因為有時啲機構投資者都未必好識隻股票，但係佢哋會睇吓有邊啲人揸住隻股票，如果有啲出名嘅基金揸住，就當嗰啲人哋幫佢做due diligence。

Chart: 中國人壽2628

之後就係銀行，經濟如果好轉銀行會受惠，所以呢排就算大市高位回落嚟，銀行都唔係太跟。而家四大行嘅PB應該冇一隻高過0.45。之後就係券商，呢個板塊都係高位，一嚟A股成交好轉，上返7-8,000億，二嚟南水一月以來已經淨買入超過500億A股。

汽車股，比亞迪(1211) (圖麻麻哋)，雖然股神係咁沽，但係$200附近條街係有人接貨，新嗰架仰望U8 (呢架車係可以打橫行)，連股神徒李祿都讃 (雖然好肯定佢自己都有揸貨，talk up his book)。之後比亞迪又話要進入印度市場，目標係2030年前攞40%市佔率。

大陸嘅出口品牌嘅話仲有吉利(175)同長城(2333)。之後亦都有傳北京兩會會有支持汽車嘅政策，同埋政府不停講要谷汽車消費，中汽協呼籲購置稅減半政策延續。而家成個汽車/EV板塊，應該係最不受歡迎嘅板塊，會唔會有機會嚟個大反轉或者夾淡倉?

嚟緊農曆新年，記得連續兩年，新年之後都係一瀉千里。2020年過完年返嚟係31,000 之後係幾點大家都知。2021年過完年之後係25,000，返嚟之後跌足一個月，去到18,000。唔知今年會點呢？

我留意緊嘅股票 watchlist 

未breakout

最近breakout

免責聲明
所有內容只作知識及學術分享討論，絕對不會含有或提供任何投資建議或邀約或任何服務。本網頁內容並非投資意見，亦不構成任何投資產品之要約、要約招攬或建議。本資料只作為一般用途，它並沒有考慮您的個人需要、投資目標及特定財政狀況。投資附帶風險。您應於進行投資產品交易前先評估個人投資風險之取向。