熱門AI話題股 [港股] (Patreon)

人行新年之後開始收返啲流動性，到2月6日在內，淨回籠資金17,910億，成交開始縮，又冇乜新catalyst（除咗AI，大股暫時都唔係好炒得起）部分錢又走咗去美股。不過去到星期三四，人行又公開巿場增加返流動性，連續兩日淨投放超過8,000億。尤其係星期四市傳一月新增貨款會超過5萬億，中午時分傳到周圍都係，而市場預期係4萬多啲，令到個市終於有個似樣啲嘅反彈。

之前有啲人等指數補近20,800個裂口先睇位買，不過大家見到啲好消息，個市又唔係好跌得落，結果又係一齊追，有一部分係冚淡倉帶動。騰訊好硬淨，係380樓下嘅時間唔多，星期三有新聞話騰訊計畫今年在《無畏契約》（Valorant）首次亮相中國時推出相關電競聯賽，會唔會係遊戲監管嘅放鬆？

阿里就補番1月頭嘅裂口，又搞埋AI。 可能下round 炒health tech 京東健康6618 平安好醫生1833 呢啲。

今個禮拜，最最最熱門嘅話題當然係AI/ChatGPT，最正宗應該係百度/阿里/騰訊。而其中百度應該係最好。

其他公司AI:

小米(1810)：在ChatGPT領域有豐富落地場景，未來將加大相關領域人力和資源投入

快手(1024)：目前正在開展大規模語言模型(LLM，Large Language Model)相關的研究，並啟動了相應專項，覆蓋LLM模型訓練、文案自動創作與生成、對話系統開發等領域。

阿里巴巴(9988)：公司正在開發類似Chat GPT的機器人，目前正在對這款人工智能工具進行內部測試。

三六零(601360)稱將盡快推出類ChatGPT技術的demo版產品，而創始人周鴻禕在與搜狐創始人張朝陽對話時，首次談到ChatGPT。他直言，如果企業搭不上ChatGPT這班車，很可能會被淘汰。雖然呢間嘢都dup 咗幾年，參考吓。

京東集(9618)團副總裁何曉冬今日接受《上海證券報》采訪時表示，京東一直在ChatAI和AIGC賽道上推進，但更聚焦2B行業，近期將有進一步突破，包括在這一賽道上推出下一代產品，何曉東強調，京東云在AIGC及ChatGPT的布局更聚焦多輪對話式交互、文本、聲音和數字人生成4個方面開展工作。

總括嚟講，雖然大陸管媒叫你哋唔好炒AI，似乎係啲借羊頭賣狗肉嘅股票，唔知今次會唔會係二千年dot com bubble 咁？成個AI首先係BAT，之後炒到芯片，云計算，數據中心，網絡等等。

美團(3690): 最新話抖音將於3月1日上線全國外賣服務，目前已在北上廣三地進行內測。我諗抖音真係會對美團構成一定嘅威脅，未必即刻，但係將來一定會有。CNBC報導抖音會用視頻去推廣餐廳做外賣同到店團購，模式唔同，但係似乎幾有諗頭。大家留意吓達達(DADA）同順豐同城（9699）呢兩隻都幾肯定係炒緊抖音呢單嘢。聽條街講北水就係咁揼貨，外資就喺150附近開始冚淡倉。呢隻要等到騰訊喺三月底派完貨同埋佢出完業績先有得睇。

仲有一件事值得留意，就係大陸呢排有好多人提前還房貸，仲要話要排隊到4月，相信有一陪份人係因為利息低咗，所以做轉按，不過我相信有一陪份人可能因為覺房樓價升唔到，所以提前還錢，減輕負擔。大家都知道樓係最好嘅抵押資產，而又係銀行又最鐘意嘅生意(低風險)。不過而家似乎係大家都係度減household leverage，咁樣消費仲谷唔谷得起，加上樓價冇太多升值空間，變相又冇咗財富效應。

生物科技板塊跌咗兩日，事因中紀委係官網刊登「嚴查醫療領域隱蔽利益輸送」文章。不過暫時呢個板塊冇乜話題性。

港交所(388)今個月22號波叔會發表財政預算案，唔知有冇機減印花稅，仲有李家超岩岩去完中東，唔知冧唔冧得掂油王比沙特阿美嚟香港上市，加上中東同中國係呢兩年咁好。

Trading

285有set up. 好似在準備突破 base consolidation

9923: 前日Discord分享，Breakout後已經升了8%

2367: +40% since IPO base breakout. 仲放緊紙鷂，但係留意三月出業績，五月係 lock up expiry

免責聲明
所有內容只作知識及學術分享討論，絕對不會含有或提供任何投資建議或邀約或任何服務。本網頁內容並非投資意見，亦不構成任何投資產品之要約、要約招攬或建議。本資料只作為一般用途，它並沒有考慮您的個人需要、投資目標及特定財政狀況。投資附帶風險。您應於進行投資產品交易前先評估個人投資風險之取向。