開始炒股唔炒市 | 三月兩會 (Patreon)

恆指暫時喺20,800呢個裂口位搵到啲支持，不過市況仲係淡靜，美國出完CPI後，美股升而中港市跌。都幾奇怪，美國CPI之後，Fed terminal rate 升，美金升通常代表股票會跌。但是美股升，加密貨幣都升，唔知係轉左玩法定係risk on。暫時中港市場仲係缺乏上升嘅催化劑，可能要等到三月兩會之前。

呢個禮拜頭嗰幾日淡靜成交，去返千零億左右，如果嚟緊20,800真係搵到支持，可能大市短期都會行1,000點左右嘅range，而開始炒股唔炒市。星期四原本有個好嘅開始，點知下晝因為中伊聯合聲明，習近平接受伊朗總統萊希邀請對伊朗進行國事訪問（冇話幾時），表示願在方便時訪問伊朗雙方繼續深化在貿易、農業、工業、可再生能源、基礎設施等領域合作。令到市場擔心中美關係再次升溫，加上今日石家莊機場中午前後部分航班起降不正常(之後話有氣球/有空管!!??!!)，引起一啲恐慌，令到A股拋售，星期四A股成交超過1萬億。恆指由升近500點，到收市得返175點，啲晶片股，新能源，藥明呢啲制裁板塊領跌。今日又再一次提醒大家中國風險係仍然存在。

遊戲：星期四呢個板塊唔錯，首先人民網今日發文稱「遊戲+」或創造更多價值，官媒進一步力挺，預計行業將迎來更多政策紅利。之後網易嘅《逆水寒》宣布，實裝國內首個遊戲版ChatGPT，讓智能NPC(非玩家角色)能和玩家自由生成對話，並基於對話內容，自主給出有邏輯的行為反饋。這是國內類ChatGPT首次應用在遊戲。

美團(3690)開始有跡象企穩，都開始見到北水買返貨，股價唔係好受騰訊叉隻腳去做外賣嘅消息影響。微信正在深圳和廣州兩地測試小程序快送服務，雖然都係由商家自己配送，唔係騰訊自己落場送，有機會騰訊派完美團股票後開始落力搞呢個小程序。不過似乎對啲SaaS股好似微盟(2013)有贊(8083)利好多啲，又或者外賣佬，例如順豐同城(9699)。

AI/ChatGPT慨念應該暫時差唔多，百度(9888)阻力位156，升穿再睇。

比亞迪(1211)睇返Citi CCASS個倉，股神Warren Buffet好似係2月6號之後就停咗冇沽。另外Charlie Munger says BYD is so far ahead of Tesla in China it’s almost ridiculous。Base formation似乎完成，但係暫時股票未進入Stage 2。要比多少少時間培養

貝殼(2423/BEKE) 大陸二手房交易好返啲，政策都係繼續支持，廣東惠州住房限售政策由3年縮短至1年；根據深圳市房地產中介協會公佈的數據顯示，上周（2月6日-2月12日）深圳二手房錄得784套，環比增長40%，錄得量臨近800套關口，已超2022年周錄得量最高值；上海2月前兩周，鏈家門店的成交量較此前增長50%-60%，帶看量增長30%-40%。跌咗兩年之後好似開始進入，可以留意多啲

內銀：大家小心，之前講而家好多人去提早還mortgage，因為中國再減息周期，之前做落嘅mortgage至少5厘，而家新造按揭隨時4厘都唔使，加上啲消費貸乜貸，3厘都冇。如果銀行嘅存量mortgage 都要減息嘅話會對內銀嘅盈利有影響。

2367: 係一個月升咗35%之後，動力開始減弱。股價亦第一次從突破之後跌穿十天平均線。如果用放紙鷂等sell-into-weakness嘅話在這個時候要留意多啲。因為他的走勢開始改變了。

免責聲明
所有內容只作知識及學術分享討論，絕對不會含有或提供任何投資建議或邀約或任何服務。本網頁內容並非投資意見，亦不構成任何投資產品之要約、要約招攬或建議。本資料只作為一般用途，它並沒有考慮您的個人需要、投資目標及特定財政狀況。投資附帶風險。您應於進行投資產品交易前先評估個人投資風險之取向。