矽谷銀行爆，港股反應 (Patreon)

星期五大跌，個個都知矽谷銀行爆煲，市場驚會有連鎖效應，擔心有啲基金會俾人call孖展，尤其係科技股呢個板塊。

京東業績其實符合預期，但係管理層對消費復甦力度有保留，拖累埋其他電商。汽車更加唔使講，減價戰繼續，所以都拖累大宗消費嘅疲弱，內地朋友話國企發展商頭兩個月賣咗100億樓，三月份都開始靜返。

星期一返嚟，美國開始幫矽谷銀行搵買家，希望可以趕係星期一開市之前幫市場注入返啲信心。港股開得唔錯，之後一路升，新任總理李強記者會講得幾好，俾返啲信心市場。國企繼續領軍，繼續係電訊股，三桶油，同埋基建，科技股都唔錯。美國兩年期債息大幅回落，市場由上星期估terminal rate 有幾高，到而家睇到三月加多25點子就停。其次醫藥股仲係弱，自從美國將華大基因列入實體清單之後成個行業都冇運行，市場睇嚟估拜登係嚟緊會公布嘅中國制裁方案，有機會會包括埋生物製藥。

仲有個大新聞就係中國促成世仇嘅沙地同伊朗重新建交，之後報道話習近平四月份會去俄羅斯見普京，唔知會唔會搞掂埋俄烏。沙地，伊朗，俄羅斯，委內瑞拉全部都係產油大國，咁睇落去，將來石油人民幣或者去美元過程會更加快。

星期二返嚟又跌過，主要係因為risk off，美國啲債息chok到好似股票咁，晏晝一下由4.4%，跌落去4%樓下，當債市波動得咁犀利，股票市場好難有得升。加上今晚係美國CPI，所以大家都係減低風險。加上瑞信發現財務報告操作中存在重大弱點，令金融股全線拋售。

港股日升日跌嘅節奏又返嚟，美國CPI符合預期，市場priced in緊三月份會加息25點子。美國啲中小型銀行反彈，而大銀行喺今次事件之中係受惠，暫時見唔到火燒連環船。港股高開，不過都似係冚倉盤帶動，之後中國二月嘅經濟數據麻麻哋，指數無以為繼，高開低收。

個市繼續日升日跌，今日又跌返琴日升嗰啲，債市波動繼續上升Move index 升到到198（3月10號）仲係129，似乎流動性開始有啲問題有幾是美國同德國嘅債市。

瑞信大股東沙特國家銀行話唔會再注資，市場擔心瑞信會引發新一輪嘅金融危機，不過瑞士央行話會提供500億瑞郎流動性俾佢，同埋瑞士應該會保住佢。

Credit Suisse CDS

星期三港股低開，金融股先跌，不過內銀目前可能係全世界最安全。琴晚美國PPI出乎意料低過預期，之後市埸開始炒經濟衰退，其他周期股尤其係資源股都跟跌。朝早有消息話歐洲會禁中國嘅太陽能組件，仲有中國暫停GDR上市，又影響情緒。係加上下百度嘅ErnieBot 竟然用錄影去發佈，即刻大插，令到原本比較搵嘅科技板塊收係全日低位。

先有SVB，之後到瑞信，市場擔心會有新一輪金融危機。市場已經估3月加最後一次息之後最快5月開始減息，去到年底會減一厘。

暫時市場非常波動，做Swing Trade的話好容易被Stopped out。所以近期會減少交易，等佢穩定返再有Set up先至Trade。