4月主要睇科技股 | 吸引外資返嚟中國 [港股] (Patreon)

星期一，個市低開，之後中國公佈1-2月工業企業利潤按年跌23% 對比2022全年跌4%，反映需求仲係疲弱。不過今日主要目光係馬雲，朝早已經有傳馬雲返咗杭州，但係彭博同時話馬雲拒絕大陸政府邀請返去。直到晏少少，開始有相出嚟，市場先炒起。呢單嘢，大陸政府咁高調，都係想借馬雲回國去安撫外資同私企。內房大跌因為又傳房地產稅。

星期二，隨着歐洲同美國嘅銀行業擔憂慢慢減退，港股繼續有支持，但係市場仲未搵到個新嘅領頭板塊，騰訊喺業績之後轉強，美團繼續嘗試反彈，始終所有壞消息都應該出晒嚟。

國內嘅經濟復甦比預期慢。市場繼續消化緊啲業績。國企／舊經濟股嘅炒作應該暫時告一段落。收市後，巴巴內部memo話會進行業務重組，分成六大業務。

Charts: SOE's that outperformed recently taking a break

星期三，受惠巴巴業務重組同將來分拆，市場冀望阿里未來會釋放更多價值。同埋這事件嘅時間，啱啱喺馬雲返咗大陸之後，種種跡象喺中央擺明做嘢安撫外資，希望吸引外資返嚟。呢個消息令到成個科技板塊都抽，不過成交主要集中係頭一兩個鐘，之後有啲升幅收窄。仲有就係見到有啲落後板塊，例如電動車轉強，可能臨近季結，啲基金做返靚條數。

星期四，今日期指結算，巴巴朝早八點開過電話會議，講返佢哋嗰架構重組，比較似係中長線佈局。不過阿里健康首先比人炸咗落嚟，驚佢比巴巴放棄。如果炒分拆慨念，比較有可能係美團，騰訊大部份都係揸股份，京東又已經拆開曬，其他就一係業務單一或者比較細。中移動買68億郵儲A股@ 6.64人仔一股，大概43% 溢價，因為國企配股唔可以低過一倍市淨率，所以只有國企肯溢價接貨，左手交右手呢啲就係國企風險。個市下晝反彈，大家都預期聽日會有window dressing。

今個禮拜，原本一開始見唔到太多亮點，不過巴巴同馬雲事件，感覺喺北京有意為之，放生民企同平台，吸引啲外資返嚟中國。所以嚟緊4月主要都係睇科技股，尤其係ATM (Ali, Meituan, Tencent)。國企就唔攪，可能個別幾隻仲有空間。生物科技就一潭死水，唔想接飛刀。

Recent breakouts in HK Tech stocks (for reference only)

3888 金山軟件

KC = 3896 金山雲控股

992 聯想集團

2807: Robotics & AI ETF

免責聲明
所有內容只作知識及學術分享討論，絕對不會含有或提供任何投資建議或邀約或任何服務。本網頁內容並非投資意見，亦不構成任何投資產品之要約、要約招攬或建議。本資料只作為一般用途，它並沒有考慮您的個人需要、投資目標及特定財政狀況。投資附帶風險。您應於進行投資產品交易前先評估個人投資風險之取向。