基金湧入芯片/AI 概念 (Patreon)

3月31號，第一季季結，啱啱好幫基金整返靚盤數。呢幾日啲對沖基金都唔係太想追貨，因為驚季尾月尾啲櫥窗動作會推高股價。今日朝早大陸3月PMI 數據超預期，帶動個市升超過400點，之後已經見咗全日高位，下晝靜晒，收市收唔夠一百點，恆指一季度升3%。

4月3日 星期一返嚟，A股大升。內地基金係第二季第一個交易日沖返入去啲AI同半導體行業，尤其係大陸星期五夜晚全部對美光產品展開網絡安全審查，香港就由中芯(981)/華虹(1347)。

On my watchlist earlier this year. 981 +21% in 3 days. Too extended to chase now

公募基金披露最新淨值，其中顯示，不少基金產品的淨值，已經開始大幅偏離估算淨值，也就是說，有一些基金經理大換倉，買AI了。呢幾個板塊，最近都升咗唔少，連內地基金都沖埋入去，可能短期都頂頂哋。澳門都夾咗上去，3月賭收超預期。

4月4號，開市競價已經見到唔少沽盤，風格幾兩極化，芯片繼續升，AI開始見到回調，不過商湯 (20) 一開市已經夾高，有消息話佢會係4月10日發布大模型，畫圖功能超過Midjourney V4，接近V5，全日升12.8%，成交63億，排第一。雖然開超買。不過要留意Softbank沽緊貨，仲有38億股，而阿里都揸23 億股，但係阿里就冇乜點沽貨。

另一方面國企股又返嚟，中移動再試高位，仲有石油股都係，幾隻基建股喺A股都升停板，資金繼續從新能源，電動車，醫藥股撤離。電動車就繼續擔心價格戰，尤其是呢幾個月嘅電池價格跌咗一半，同埋Tesla第一季後半交附量都係麻麻。而生物科技股，一直到今日終於有些少反彈，市場之前都擔心佢哋嘅再融資風險，呢幾年上市融資到嘅錢到而家應該都用到7788。

857: on my watchlist in March

清明之後返嚟，一開波隔咗日啲沽盤出晒嚟，開波之後隊咗十分鐘，個市慢慢企穩。之後嗰時就慢慢夾返上去，之後因為歐洲開得唔錯，所以最後倒升收市。總體來講科技股係跑輸，阿里巴巴因為請4月10號會阿里雲嘅發佈會發佈佢嘅ChatGPT。大市成交就因為長假期跌到落去唔夠1,000億。

總體來講，暫時繼續睇上落市，尤其美國經濟數據開始轉弱，令到債市嘅波動又開始上。港股繼續塘水滾塘魚，唔係太多新錢入，呢期重心繼續係A股，科創50指數今年升咗20%，一窩蜂湧入去啲芯片/AI 概念。