[港股] 中港市場宏觀+技術分析 (Patreon)

美國聯儲局會議之後，比預期鷹，債息同美元上升，令到中港股市繼續受壓。離岸人仔曾經跌到落7.32，南水就繼續沽A股，以外資一路咁沽，變相令到內地嘅基金唔敢貿貿然買貨，希望等到南水沽到7788先，所以A股成交今個星期創咗今年新低。而港股另一方面就繼續係沽啲權重股。個市越嚟越靜局，香港成交跌到得返七百幾億。

之前領先嘅恒生科技指數跌穿了六和八月的低位。再不是形成higher lows。

恒生指數retest上個月嘅低位。如果拆穿嘅話跌幅可能會加速。

上個禮拜四收市之後，內地減存款準備金25點子，個市完全冇驚喜。而家睇落嚟，啲錢唔肯流入中國市場，而今年亦都多咗好多新嘅ex-China Fund (excluding China)， 有啲類似30年前嘅日本咁，變成一個獨立嘅市場。一直以來流入新興市場(Emerging Market)嘅錢，其中至少起碼有三成係流入中國市場。移動時間呢一兩年亦都多咗基金更改左佢哋自己嘅benchmark，將中國股票嘅比重降低。

今個禮拜買盤少之又少，沽盤就多，者沽空都有，啲對沖基金沽返啲估值比較高嘅又或者未開始跌嘅股票。

喺技術分析，而家恆指50天線跌低過200天咁多。佢會需要一段長嘅時間先再可以入Stage 2 （而家係stage 4)。

喺宏觀角度，關於中港市場嘅將來，今次嘅迷失應該係會以年計。另外亦都諗大陸可以做到啲乜會令到啲外資會返返嚟。中美關係當然係一個大因素，不過似乎都會繼續有來有往咁。台灣就都係一個計時炸彈。中國一路沽緊美債，究竟佢係攞美金嚟托人仔，定係好似俄羅斯咁沽曬啲美債買黃金準備打仗？

撇除呢啲政治因素，如果大陸真係要放水（雖然現階段睇落去就唔多似會，不過之前有傳過十萬億平準基金stability fund，但係感覺吹大咗）人民幣又有何去何從？其實托人仔係收緊水，因為你要用美金買人仔收返啲流動性。而家啲美金收成5厘息，國家隊攞啲咁樣美金去買人仔，一來一回都幾傷，可以頂幾耐？如果唔放水嘅，其實經濟就會好似而家咁死氣沉沉。

如果人仔一貶值，港股會跌。大家仲記唔記得2015年嘅 811年匯改？ 人仔兩日跌咗3.5%，恆指之後嗰日跌咗2.4%，之後一個月恆指跌咗至少 15%，由24000跌至20,500。嗰半年中國用咗差不多成萬億美金去托匯價。

人民幣貶值會令到內房甚至好多國企有機會爆煲，因為佢哋借咗好多美元債。之後會有資本外流。另外大陸資產價格下跌，亦都會影響香港。尤其是香港嘅樓市同埋銀行。好多香港銀行最大嘅資產或者生意都係樓按同埋對大陸公司嘅貸款，萬一因為人民幣貶值而引起金融動盪令到資產價格下跌而企業關唔到錢，香港啲資產可以跌得好犀利。

不過暫時唔使太擔心，現階段就睇唔到呢樣嘢會發生，又或者呢個係啲機會比較低嘅最壞情況。

Watchlist Review

而家港股喺stage 4，實在唔多股票嘅圖係靚，睇來睇去都係得嗰幾隻。主要係舊經濟藍籌

941突破之後，走勢唔錯

883 & 857: 受到油價得益，但係近幾日嘅price action 約返啲。可以set定stop profit 準備離場或者而家 sell into strength 食糊

1114上星期嘅watchlist。依隻玩緊close the gap。到站就獲利了，不會放紙鷂，

上星期watchlist嘅1919, 3993, 1816價格上聲升穿了key levels 。但是成交不太配合。喺咁嘅市場環境冇需要迫自己交易。

Watchlist

2282 比起大部份港股佢嘅表現算唔錯，價格波動也在減少。暫時未有set up，但係可以留意住。

2328, 3618, 9901 比較強嘅港股，但係價錢波動還大。可以留意，但係不會交易

免責聲明: 所有內容只作知識及學術分享討論，絕對不會含有或提供任何投資建議或邀約或任何服務。本頻道的內容概不構成任何投資意見或購買任何股票、期貨、期權、墓金或及金融產品的特定推薦意見，本頻道的內容亦並非就任何個別投資者的特定投資目標、財務狀況及個別需要而編製。投資者不應只按本頻道的內容進行投資。在作出任何投資決定前，投資者應考慮產品的特點、其本身的投資目標、可承受的風險程度及其他因素，並適當地尋求獨立的財務及專業意見。本頻道所載資料僅供參考之用，並不保證頻道內全部或其任何部分的資料在各方面均絕對正確。投資者有責任自行翻查所有資訊及數據的完整性及準礦性。如有疑問，閣下應自行查核頻道所載的任何資料。 本評論上的資料，僅按當時情況而提供， 如有任何變更，恕不預先通知。對於因使用或依據本頻道內所載的資料而引起的任何損失或損害，本人恕不負責。投資者應當注意投資附帶風險及過往表現不能保證將來業績，過往表現不能作為日後表現之指示。