[港股] 炒施政報告? (Patreon)

美股都可以趁著債息回調做返個反彈，港股呢邊完全冇力，星期四成交仲要500億都冇，成交跌到落四年低位。似乎想打穿17000，補埋下邊個裂口。

內地黃金周似乎就旺丁不旺財，就算喺香港條街都唔係見到太多人，啲大陸遊客都係去打卡嘅多，買嘢少。而家大家都係等北水嘅回歸，究竟返嚟買貨定沽貨？ 除非星期六日有啲好嘅政策出台，如果唔係都好難扭轉而家呢個downtrend。

大陸啱啱出嘅九月份經濟數據就好壞參半，不過美國透過衛星數據分析全球經濟的SpaceKnow指，中國9月份經濟復甦有增強跡象。而花旗上調對中國GDP的預估到5%，（佢8月先由5%cut到4.7%）。

Stocks

AIA (1299)，聽行家講今個禮拜開始多番啲買盤，同埋今個星期啲沽家少咗好多，尤其係星期二同星期三個市大跌嘅時候係得呢隻升，而JPMorgan就話隻嘢見咗底。技術分析上個圖還核突，我冇乜信心去交易。所以這個消息得個知字就夠。

美團(3690)，日日跌唔識升，繼續有對沖基金沽空。而家落到重要 level。是2020年突破的阻力，2022和2023反彈了三次的支持。

由七月$150差不多一口氣跌到而家$106。跟住再加速跌同成交上升嘅話，就有可能接近短期的capitulation。博反彈機會。但記住逆勢交易(例如博反彈)成功嘅機會小過順勢交易。所以reward to risk比率高先make sense。(例如比率>2.5)

嚟緊今個月施政報告，我覺得政府個流動性小組做乜呢都對港股嘅流動性同成交係好少幫助，只不過做咗比冇做好。而樓市方面就算減晒辣招，樓價都唔見得會升。

因為而家嘅問題不是需求太大，而現有政suppressed這個需求。而是這個市場有structural problems令到個需求根本唔喺度。所以整走啲constraints對市場幫助有限。真係幫到嘅係解決基本核心嘅問題。

所以炒施政報告都係短炒。不如諗下嚟緊MSCI/富時會唔會將A股係新興市場嘅比重降低？我相信已經有唔少基金，尤其係美國嘅退休基金已經將A股甚至係中國股票嘅比重自行降低。

之後就係APEC會議，啲外媒就係咁喺放風話嚟緊會有習近平同拜登會見面，不過大陸方面似乎對呢樣嘢都有啲懶懶閒咁。睇咗幾多文章都係會覺得碰面機會就一半一半，因為美國佬唔肯讓步咁大陸就覺得見嚟都冇用。之後美國嘅參議員都會去中國，又吹緊話佢哋會見習近平。

罕見比較強少少嘅港股有（不過冇set up，未係時候交易）：

992

9901

2359

2328

2282

免責聲明: 所有內容只作知識及學術分享討論，絕對不會含有或提供任何投資建議或邀約或任何服務。本頻道的內容概不構成任何投資意見或購買任何股票、期貨、期權、墓金或及金融產品的特定推薦意見，本頻道的內容亦並非就任何個別投資者的特定投資目標、財務狀況及個別需要而編製。投資者不應只按本頻道的內容進行投資。在作出任何投資決定前，投資者應考慮產品的特點、其本身的投資目標、可承受的風險程度及其他因素，並適當地尋求獨立的財務及專業意見。本頻道所載資料僅供參考之用，並不保證頻道內全部或其任何部分的資料在各方面均絕對正確。投資者有責任自行翻查所有資訊及數據的完整性及準確性。如有疑問，閣下應自行查核頻道所載的任何資料。 本評論上的資料，僅按當時情況而提供， 如有任何變更，恕不預先通知。對於因使用或依據本頻道內所載的資料而引起的任何損失或損害，本人恕不負責。投資者應當注意投資附帶風險及過往表現不能保證將來業績，過往表現不能作為日後表現之指示。