[港股] 習拜會 (Patreon)

港股趁住美國CPI出嚟好過預期做一個大反彈，今次成功突破18,000點，引嚟唔少淡友冚親倉（星期三港股由升五百幾突然之間標到七百幾，果下7,000幾張期指掃咗上去）再加上習拜會都比到市場憧憬，雖然中美嘅大分歧唔會有任何改變，但係喺某啲議題上係有好有機會有共識，始終有偈傾總比冇偈傾好。

隨着市場預期美國加息周期基本上已經完結，大陸出嘅招又多咗，先有彭博報道中國準備1萬億人民幣嘅低息貸款去支持房地產，唔知救唔救到成個250萬億嘅房地產市場，始終而家政府都唔想比樓價跌，咁樣會影響到銀行嘅壞帳同資本。之後又有央行淨投放MLF資金6,000億，操作規模創2016年來單月最大。

跌到好殘嘅房地產股 (e.g 1918)開始有少少見底嘅徵象（紫線=阻力）

之前三個月每次反彈大成交之後一兩日就俾人沽返落嚟。星期四又係有啲似，一嚟有啲獲利盤已經急急腳想沽。之後拜登喺記者會都冇乜深入提到習拜會嘅內容，剩係得成立禁毒合作工作組，恢復兩軍高層溝通，人工智能政府間對話，明年早些時候增加航班。記者會完結之後俾人問到習近平係唔係獨裁者？佢就話係，即刻令到港股插多200點。

HSI還在downtrend

今次習拜會，雖然大嘅分歧解決唔到，但係令到中美兩國關係穩定落嚟，希望係一個reset，台灣問題似乎大家都有共識。始終中美角力有啲似拳擊賽咁，美國揼咗你咁耐都K.O.唔到你，打人隻手都痛係時候唞吓，比大家回一回氣，準備吓一round。 某啲方面美國幾需要中國，尤其是喺國際舞台，幫手喺俄羅斯同伊朗呢兩個國家斡旋。而出年美國大選民主黨可能都會有佢嘅算盤，需要中國幫忙。

星期四呢個跌，令到一啲基金喺星期三大升嗰日冇追到貨嘅有機會上返車，亦都聽到一啲中資買番啲貨。但係外資似乎仲喺度顧緊啲消費類嘅板塊，例如李寧(2331)安踏(2020)澳門股。小米(1810)電動車嘅消息留咗出嚟，大家都趁好消息沽貨。反而呢期隻瑞星(2018)似乎有啲嘢，不過冇乜位介入，可以留意一下。

阿豬留意緊嘅股票

4: 終於突破，催化劑不是privatization而是被加入MSCI指數

1164香港嘅核電概念股突破了 (⚠ 市值只有11bn HKD ⚠) (see $CCJ, $URNM $URA)

8有啲似"cup" set up，但是依排成交都幾高。所以不是最好的

2359 繼續睇住。成交再減少，股票consolidating形成第二個base。喺香港嘅減肥藥概念股(啱 theme)

9896 (消費類嘅板塊). Nov 21 出業績。暫時未可以掂住。

2018: 強升勢和高成交，但是暫時沒有set up，可以留意

1810 走勢開始波動，同埋第一次跌穿10 day moving average。放緊紙鷂佢話可以考慮獲利多啲。 (Nov 20 earning release)

388 睇淡

386 睇淡

免責聲明: 所有內容只作知識及學術分享討論，絕對不會含有或提供任何投資建議或邀約或任何服務。本頻道的內容概不構成任何投資意見或購買任何股票、期貨、期權、墓金或及金融產品的特定推薦意見，本頻道的內容亦並非就任何個別投資者的特定投資目標、財務狀況及個別需要而編製。投資者不應只按本頻道的內容進行投資。在作出任何投資決定前，投資者應考慮產品的特點、其本身的投資目標、可承受的風險程度及其他因素，並適當地尋求獨立的財務及專業意見。本頻道所載資料僅供參考之用，並不保證頻道內全部或其任何部分的資料在各方面均絕對正確。投資者有責任自行翻查所有資訊及數據的完整性及準確性。如有疑問，閣下應自行查核頻道所載的任何資料。 本評論上的資料，僅按當時情況而提供， 如有任何變更，恕不預先通知。對於因使用或依據本頻道內所載的資料而引起的任何損失或損害，本人恕不負責。投資者應當注意投資附帶風險及過往表現不能保證將來業績，過往表現不能作為日後表現之指示。