日記~19/4/2021 ~ 62歲的火魔術師 (Patreon)

星期一        小雨/陰

有人喺旁邊瞓，始終係會瞓得唔好，雖然係一位老人手足(火魔掉入粉嶺警署) 不過始終係一個陌生人。全叔好嘈呀！又撞聾，講嘢又大聲，做人又固執，做地盤工人堅持瞓街，我都唔識講啦！七點起身，佢六點就執嘢，好嘈呀！我已經好溫柔同佢講，希望佢食好啲訓好啲，但佢依然火爆答我。早飯再勸佢啦，希望佢明白啦，佢回答: “都喺荔枝角半年，赤柱一年，拋咗超過一年！有人用煙仔引我講嘢，就連煙都戒埋。”

Anyway我如常工作，佢去指模房，佢話今日落山，希望去個好期數啦！我都係忙住回信，下午出球場。唉！又有保安搵我，又係信嘅問題，成日玩我話我呢樣唔寫得個樣唔寫得，只好換個方式去寫啦！晚飯後同全叔再瞓多一晚，原來佢錯了，明天才正式落期數。返到倉，依然好大聲講嘢，有時怕咗佢，太大聲啦。睇在佢62歲火魔，我尊重佢，晚上我繼續寫信，又重新寫過。佢瞓了，我11:00先瞓。