日記~20/4/2021 ~ 日日比保安玩 (Patreon)

星期二       晴

一早就被全叔執嘢嘈醒，當時大約六點左右，我就照舊6:45-7:00先起身，佢執定嘢準備落期數，因為石壁的流倉係比新人四日新生適應期。佢自己都未顧得掂，又要逞強啦，仲要顧埋個強姦案賓仔，一開門就過去叫賓仔執嘢，我質疑佢哋點溝通？全叔連中文字都唔識。

出倉食早飯，同佢傾咗一陣，相信全叔佢有能力照顧自己。幫人要量力而為，盡咗力就得。今日星期二照常工作，我已經對如何工作已經熟練了！下午回期數活動室收到信，妹妹寄了小肥的歌名，我只圈了幾首就寄回出去，妹妹係用黑筆。點知又比保安叫我去保安房，真係一班無腦散仔，連字體都唔識分，內容唔睇，就叫我去保安房，問我點解可以用黑筆，我真係暈啦，日日去保安房玩我！真係，我決定寫一封英文，唔使誤會！

終於我估中了，全叔代替華叔個位，華叔要即時過界去壁屋。今晚食早，即係16:30食晚飯，見到全叔啦，佢依然同賓仔一齊，好奇怪，呢啲係緣份啦！

今日收到好多陳百強結他譜，明天整理，晚飯後唱咗一陣歌啦，返倉寫信，今日又一堆信，唔知工會啲信是否被扣咗？