日記~23/4/2021 ~ 刻板枯燥的生活 (Patreon)

星期五               晴              31°C

一清早就已經感受到天氣好熱，始終一個人瞓舒服好多，6:30醒，7:30起身，太早起身無咩用因為無嘢好做。早起就吓收音機，一邊聽吓歌同新聞，一邊梳洗其實真係休閒咁，出倉、早飯、工作，一切如常無變，刻板枯燥的生活，都係忙於回信寫信。

平日派一次信，星期五就派兩次信，上午一次下午一次，兩次都有信收，星期六就唔派。不過職工盟搞錯寄了兩封一模一樣的信比我，明天退回比工會。下午又有保安搵我，又係信的內容，其實真係咁重要嗎？其實好平常嘅嘢喺監房就唔可以，點都好，仲有5個月，忍耐一吓啦！互相尊重，互相配合啦！！

寫完信咪出去球場，今日31°C，球場好晒好熱，攞個足球當排球玩咗幾嘢就坐底休息，傾吓計算啦！原來我15個月入監房扣1/3即10個月，出去要守行為一段時間? 如果在守行為期間再犯，就會將扣咗嘅1/3加返埋去，而家明白了。

晚飯後返倉，又要改信 (今話我寫囚友們會利用自己買嘅朱古力及麥餅牛奶，去造生日蛋糕，唔可以寫)，再寄返信出去，只好在日記留待星期六寫，寫到十點突然熄晒燈，每人做事有別！有啲好嘅職員見我寫信唔會熜燈，試過一次去到12點…… 瞓覺囉！