日記~25/4/2021 ~ 平淡的星期日 (Patreon)

星期日               晴 熱                 30°C

一早6:30被雀仔同牛叫嘈醒，噴好6:45起身，今日你星期日，休息日，照常出倉食早飯，之後就攞住結他同囚友玩足一日。上次有人叫我帶個口訊，已通知希仔有關雄仔的事，在同一個監獄要帶口訊都唔係一件易事，瘋峯(個大陸佬) 而家變乖咗啦！我自己彈結他都唔叻，瘋峯又係咁要我教佢，監獄生活係好苦悶，只好知幾多教幾多。

食完粥同面包好快出球場玩，今日應該來人來探訪，但咁遲都未來？估計一係就唔來，一係沖完涼先好來。點知真係沖完涼來，講起叫妹妹入3A電池比我又唔記得，比佢邀死，點解永遠唔去記，可能係天生，冇法啦！再講都冇意思。出去先計數(要比返買物品同訂報紙啲錢)！！星期二見福利官攞份判詞及要同福利官申請入結他Capo 。

全日改Chord彈到手腫，探訪完（琛&他男友都有來探我）多謝大家支持！！出返去必定要同大家聚一聚，整蛋糕比佢地食。天氣熱，真係個倉西斜，天氣開始熱，可以直接係倉沖凍水涼！！