日記~27/4/2021 ~ 窩心的護士 (Patreon)

星期二             雨/間中陰天

照舊，一早未夠六點call你食早飯，我知今日要去覆疹，今日應該要空肚抽血，所以冇得食嘢，今朝早飯食雞翼呀！嗚！無得食….

照舊啦！見Board換衫，打指模，上鎖，去醫院，到達時只不過9:15am，去到才知道要見埋醫生攞藥，唔怪得昨日職員話冇曬藥啦！見到護士好窩心，問我食唔食足藥？瞓得夠嗎？食得飽嗎？黑咗喎！要做運動呀。最後問入面辛唔辛苦，我照直答有苦有樂，出返來再傾，今年9月尾出冊啦！！之後去等見醫生啦！！

見一個全新男醫生，可能係新人，要我問佢先答我份驗血報告一切正常，照攞藥膏、類固醇、抗真菌藥膏、保濕同漱口水！攞完藥只係10:45就坐車返荔枝角，11:30已做完手績喺到等！

指模房食埋包妹，返到期數佢地都未食，好嘢，食多次。

寫咗兩封信比屋企人，希望冇咩問題啦！補水沖涼，返期數，晚飯食早。終於4:30pm比到藥我啦！食完5:30pm落水房，有條友大膽講劃飛啲嘢同人嘈，比職員帶左佢走，唔知鎖唔鎖呢？突然，又有人喺瞓覺嗰到落來，又喺到嘈，唔知咩事，我被帶返舊翼，搞到好大件事咁！好多古惑仔玩嘢！！

PS: 劃飛: 即係由外邊家人入錢到B仔戶口，當時$1000 可以有八包煙，入左錢B仔就會比煙，在囚個位有煙可以買到好多嘢，例如食魚柳包及飲奶茶。