誰說冇冤案？“性罪犯“我們等緊你！原來咁樣都係強姦罪！ (Patreon)

小弟在石壁時，都聽聞“性罪犯“來到監獄，都會比人玩，但自己親眼所見嘅，就同大家分享一吓。

在圖中所述，大家唔知記唔記得，兩兄弟搞細妹單案，哥哥阿杰來左石壁，有四日同倉，之後阿杰就分配到其他工作期數。首先，所有“性罪犯“無論去到咩期數，飯餸個塊肉必定比人攞左，扣肉扣糧半年係最基本，如果唔答應就會比人打，如果同職員講仲衰，會再調你去一個更差期數，唔會有人同你講嘢，糧肉照扣，去到邊都一樣，當沖涼個陣就係比人打嘅時間。因為浴室係一個大房，約有二十至三十個花洒頭，肉白相見。當阿杰第一日來到石壁，B仔就已經同佢講要點點點，阿杰也明白地無奈咁點頭，沖涼時，見到佢真係好瘦，係左邊臂頭到屁股位置全部瘀晒，原來佢係荔枝角已經比人打到九彩，沖涼房係無cctv 所以係一個被人玩嘅地方。食飯時見到佢嘅肉好快被其他囚友攞左，阿杰係唔會出聲。同佢同枱食飯，都有閑聊幾句，不過有人警告過我，千奇唔好行太埋，唔係連我都會被人玩。閑聊中得知佢細佬細妹智商都係比正常人低，但我眼中，佢都係有小小問題。幸好佢來到石壁，我冇見過佢比人打，只係扣糧扣肉。

而另一個就係幫侄女（未夠十歲）補習，而要求個侄女疴尿落佢個口個位。呢個肥仔都應該係荔枝角時比人打過，可能佢肉厚，但面上都留有小小瘀痕。而另一個被人玩嘅地方，就係自己個倉，因為石壁係單獨囚禁。佢第一晚來到，啲囚友就排住隊入佢個倉，問我打唔打佢，我就叫佢地打埋我個份，其實真係各有道理，一啲性罪犯嘅行為真係非常可恥，所以佢地覺得呢啲人係低打，但我見到佢地又覺得佢地好可憐，又低打又可憐，我心情係好矛盾。當晚見到佢地一人一脚，一人一巴，對方都唔敢還手唔敢出聲。另一次就係沖涼房，有人問佢，你喜歡人地疴尿落個口到，我地咁多個，比你你揀一個，但佢只有話唔好啦！甚至跪低講求吓你唔好啦！但佢地係唔會理，於是成班圍住佢一齊疴尿落佢個頭個到！幸好這是沖涼房，可以即時沖身！之後佢去到其他期數就無機會再見到佢！

我因為不滿監獄保安玩我的行為（之前有文章提及過“小蜜鋒逃亡記“）（保安玩我嘅原因係因為我係石牆花有過百位筆友，信太多提及監獄生活情況，令佢地工作量及要𥄫實我而要玩我，日日叫我去保安房門口罰企冇午餐食），我發脾氣於是去了小欖精神病康復中心，就係小欖見到阿杰，原來所有“性罪犯“都要去小欖接受心理輔道，阿杰係小欖同我講，醫生要佢返石壁，佢話唔想返，因為返到去又比人扣糧扣肉，連煙都冇得買來食，咁我問佢點解會調你返去，醫生問左你咩問題？原來醫生問佢出返出去之後會唔會再搞個妹？佢話我個妹樣又靚，又大波，身材好正，我唔知喎！如果你聽到佢咁嘅思維，係咪好想打九佢？

我攞完份心理報告返到石壁（心理報告不等於精神科報告，我要再去小欖），就即刻去左赤柱，係赤柱見到一位新來的菲律賓男，年紀得廿多歲，六呎高，強姦犯。他自稱係一位菲律賓表妹同鄉女性，買左幾支洒，主動去到佢住所以，要求一齊飲洒傾計，係由女性主動挑逗，結果發生左性行為。在你情我願之下，女性回家被哥哥發現，於是報警要求妹妹告佢強姦，結果罪成，我問佢有冇用套呀？冇！有冇內射佢？有！咁咪有齊證據告你。

還有一位判終身的劉璋輝，小弟也在小欖時同佢相處左四星期，因為四月尾五月頭去小欖睇醫生排期攞心理報告，七月正式見醫生攞精神科報告，每次住兩星期。私影攝影師劉璋輝，在家中殺死15歲少女，移屍到洒店內姦屍兩次！（他原本在石壁受刑，但因為比人打到七彩），結果當我見到佢，話說已被人打到小兒麻痹症咁樣，手脚痙攣，面容扭曲，連自己點煙都好似好艱難咁樣，而家在小欖，應該係到終老。

另外我有位朋友，曾經做過陪審團，就係一宗強姦案，是咁的，女性及男性都係吸毒者，女性其實唔喜歡這位男仕，但因為知道他家中有毒品，所以上去人地屋企一齊吸毒，及發生性行為，而且唔止一次。女性廿四歲，男性廿七歲，及後女性發現自己有左BB想去墮胎，之後被家人發現，男性却主動要求結婚負責，但女性唔想要個BB，結果家人報警話人地強姦，結果我朋友都認為罪成，我却覺得好冤枉，原來女性係發生性行為時可以自願，但事成後可以後悔告你強姦，這真的是公平的法律？

最近，休班X對讀小五兒子作猥褻行為，罪成入獄，相信囚友們都等緊佢，因為“性罪犯“對佢地來講係在苦悶的監獄內的一件玩具！